DVH Research & Consultancy ta traha den un nètwèrk di organisashon (lokal) i eksperto. DVH ta spesialisá den investigashon i konseho orientá riba maneho. E fókùs ta e parti Karibense di nos Reino. DVH ta un punto di kontakto pa tur asuntu sosial i sosialekonómiko. DVH ta para pa independensia, kalidat, transparensia i utilidat. DVH ta traha ku plaser pa ministerio, Rijksdienst Caribisch Nederland (RCN), gemente i entidat públiko, partner sosial, ROA Caribisch Nederland i otro órgano di konseho, institushon di konosementu i organisashon ehekutivo.
DVH ta enfoká riba asuntunan sosial di Aruba, Boneiru, Kòrsou, Hulanda, Saba, Sint-Eustatius i Sint-Maarten. DVH ta independiente i ta tene kuenta ku historia, e konteksto konstitushonal i e sirkunstansianan spesífiko di e islanan.
DVH ta hasi investigashon (kuantitativo i kualitativo), konsehá (expert based and research based), sostené i desaroyá (den formashon hurídiko, maneho, struktura, organisashon, medida i proseso), supervisá (kreashon di sistema di informashon inkluí), evaluá i traspasá konosementu (presentashon, workshop, training, guia i garantia). Ta realisá e trabou mas tantu posibel na e sitio mes, evitando biahamentu ku avion mas tantu posibel.
DVH ta traha for di disiplina di siensia sosial, ku sufisiente konosementu di legislashon relevante (tantu di lei hulandes komo di legislashon lokal) i ekonomia. Asina DVH por establesé konekshon supstansial. Ora ta nesesario DVH ta traha huntu ku eksperto di otro kompania di investigashon i di konsulta, universidat i eksperto lokal.
DVH ta disponibel pa ehekutá proyekto den ámbito sosial i sosialekonómiko, konkretamente merkado laboral, e konekshon entre merkado laboral i formashon profeshonal, seguridat sosial, kalidat di empleo (kondishon laboral, sirkunstansia di trabou, relashon laboral i kontenido laboral) i tambe maneho di personal. DVH sa kon pa trese balansa entre e interesnan di stakeholders: gobièrnu, dunadó di trabou, empleado, organisashonnan ehekutivo i institutonan di edukashon.
DVH ta traspasá konosementu i eksperensia, tantu durante e proyektonan komo despues. Na Aruba Peter Donker van Heel a duna presentashon na un kongreso nashonal grandi tokante modernisashon di merkado laboral i polítika di seguridat sosial (mira potrèt 1). Na Boneiru Peter Donker van Heel a organisá un databootcamp pa diferente organisashon ku ta dependé di informashon di merkado laboral i di edukashon (mira potrèt 2). DVH tin eksperensia ámplio den duna guia i edukashon. DVH ta eksperto den investigashon di akshon, esei ta nifiká investigashon di sistema sosial kaminda ta traha simultáneamente riba kambio sosial. Ku kontakto personal ta posibel pa logra hopi. Ta p’esei ta nesesario pa traha na e islanan tambe i DVH ta hasi esei ku mashá plaser.
