DVH Research & Consultancy ta traha den un netwerk di organisacion (local) y experto. DVH ta specialisa den investigacion y conseho orienta riba maneho. E focus ta e parti Caribense di nos Reino. DVH ta un punto di contacto pa tur asunto social y socialeconomico. DVH ta para pa independencia, calidad, transparencia y utilidad. DVH ta traha cu placer pa ministerio, Rijksdienst Caribisch Nederland (RCN), gemeente y entidad publico, partner social, ROA Caribisch Nederland y otro organo di conseho, institucion di conocemento y organisacion ehecutivo.
DVH ta enfoca riba asuntonan social di Aruba, Boneiro, Corsou, Hulanda, Saba, Sint-Eustatius y Sint-Maarten. DVH ta independiente, ta tene cuenta cu historia, e contexto constitucional y e circunstancianan specifico di e islanan.
DVH ta haci investigacion (cuantitativo y cualitativo), conseha (expert based and research based), sostene y desaroya (den formacion huridico, maneho, structura, organisacion, medida y proceso), supervisa (creacion di sistema di informacion inclui), evalua y traspasa conocemento (presentacion, workshop, training, guia y garantia). Ta realisa e trabou mas tanto posibel na e sitio mes, evitando biahamento cu avion mas tanto posibel.
DVH ta traha for di disciplina di ciencia social, cu suficiente conocemento di legislacion relevante (tanto di ley Hulandes como di legislacion local) y economia. Asina DVH por establece conexion substancial. Ora ta necesario DVH ta traha hunto cu experto di otro compania di investigacion y di consulta, universidad y experto local.
DVH ta disponibel pa ehecuta proyecto den ambito social y socialeconomico, concretamente mercado laboral, e conexion entre mercado laboral y formacion profesional, seguridad social, calidad di empleo (condicion laboral, circunstancia di trabou, relacion laboral y contenido laboral) y tambe maneho di personal. DVH sa con pa trece balansa entre e interesnan di stakeholders: gobierno, dunado di trabou, empleado, organisacionnan ehecutivo y institutonan di educacion.
